Агын “Дэчен Лхундублин” дасанда 2026 оной мартын 13-ндэ үнгэрбэ.
Заншалта мүрысөөнэй эхи татажа Дид Хамба Цырен Ламахай амаршалгын үгэ хэлэжэ, түүхын хуудаhа иран, Буддын шажанай, еhо заншалай, ажабайдалай мэдээсэлтэй танилсуулаад, хабаадагшадта амжалта хүсэбэ.
Бүлгэм бүхэн түрүүн танилсан «Тоонтомни» гэhэн сэдэбээр видео, презентанци харуулба. Аба эжынгээ хэлэ хүндэлэн дээрэ үргэжэ, сагаалганайнгаа ёһо заншал арюун сэбэрээр сахижа, ургажа ябаhан жаахан үхибүүднай зүрхэ сэдьхэлдээ нэбтэрүүлэн ойлгожо, ухаандаа хадагалжа ябахын тула зорилготой мүрысөөн шагайн буудалаар табан шатаhаа бүридэбэ:
I шата. Хонин тала.
“Аба эжыдээ үреэлнэб”. Аба эжы, аха захаяа, түорэл гаралаа, үетэн нүхэдөө, арад зоноо hайхан үреэл үгэеэ барин амаршалха.
“Хадаг-хүндын тэмдэг”. Хүндын дээдэ зүйл хадагууд тухай удха шэнжыень тодорхойлон хөөрэхэ.
II шата. Морин тала.
«Морин эрдэни». Буряад арад зон анхан сагhаа хойшо хүндэлжэ ябадаг байhан. Юундэ морин эрдэни гэнэб, наhарынь хэлэжэ, эмээл зэмсэг, үнгэ жүhөөрынь илган таабари, дуу-соло сэсэн үгэшье хэлэхэдэ, презентаци оруулхада болохо.
III шата. Үхэр тала.
«Айлшадаа угтанаб». Буряад зон eхэ хүндэмүүшэ юм, танигдаа танигдаашьегүй ямаршье яанай айл шан ороходонь яажа угтадаг, яажа хандахаг бэ гэхэ мэтэ гурим тухай ойлгуулан хөөрэхэ.
IV шата. Тэмээн тала.
«Би гороолноб». Гороо ямар удхатайб, юунэй түлөө хэгдэнэб?
V шата. Ямаан тала.
«Би-Буряадби» “Нэрээ хухаанхаар, яhаа хухара” гэжэ үгэ бии. Би-Буяадби гэжэ хэлэжэ шадахагүт? Юундэ?Асуудалда харюусаха.
Энэ мүрысөөнэй дүнгүүд тухай pdf-файл соо уншагты
Жигзымаева Хишигто Эрдынижаповна бэшэбэ
