Энэ урилдаан буряад хэлэнэй тон эрхим, бэлигтэй багшанарые элирүүлхэ талмай болодог заншалтай, мүн энэ мэргэжэлэй нэрэ хүндые дээшэлүүлхэ, шэнэ онол ухаа нэбтэрүүлһэн дүй дүршэл шудалха, багшанарай арга шадал эдэбхижүүлхэ гэһэн шухала зорилго боложо үгэнэ.
Мүнөө жэл муниципальна шатын илагшад болоһон табан буряад хэлэ бэшэгэй багшанар эрхимэй нэрэ зэргэдэ хүртэхын түлөө тэмсээ:
Базарова Туяна Жаргаловна МБОУ “Амитхашинская СОШ”;
Максарова Дарима Сандановна Дульдургинская средняя школа;
Сыхеева Очирма Дугаржаповна МБОУ “КСОШ им. Пурбуева Д.Ц.”;
Шоглино Цымжит-Лхама Шоглиновна МАОУ “Ортуйская СОШ”;
Шугаева Баирма Базарсадаевна МАОУ “Агинская СОШ №1”.
Мүрысөөнэй түрүүшын шатада һуралсалай хэшээлэй видеозураг жюриин гэшүүд хаража сэгнээ. Эндэ багшанар һурагшадые эдэбхитэй хөөрэлдөөндэ хабаадуулжа, метапредметнэ холбоо байгуулха шадабарияа харуулаа.
«Классай саг» гэһэн хоёрдохи туршалгада багшанар ниигэмэй удха шанартай шухала сэдэбүүдөөр һурагшадтай яажа хөөрэлдэдэг бэ гэжэ элирээ. Эндэ жюриин гэшүүд хэмжээ ябуулгануудай хүмүүжүүлгын үнэ сэн, багшанарай ургажа ябаа үетэнтэй этигэмжэтэй хөөрэлдөө зохёохо шадабари тэмдэглээ.
«Разговоры о главном» гэһэн хамтын зүбшэн хэлсэлгэ мүрысөөнэй түгэсхэлдэ болоо. Финалистнууд болбосоролой хүгжэлтын холын хараата шэглэлнүүдые ойлголгын гүнзэгые харуулаа, ударидахы шанарнуудые болон өөрынгөө һанамжа баримталан хамгаалха шадабарияа харуулаа.
Шанга тэмсэлэй ба баллнуудые тоололгын һүүлээр эрхэ мэдэлтэй жюри илагшадые элирүүлээ:
Уртын дунда һургуулиин багша Цымжит-Лхама Шоглиновна Шоглино III шатын дипломоор шагнагдаа.
Агын 1-дэхи дунда һургуулиин багша Баирма Базарсадаевна Шугаева мүрысөөнэй II шатын дипломдо хүртөө.
Дулдаргын дунда һургуулиин багша Дарима Сандановна Максарова «Эрхим багша-2026» гэһэн мүрысөөнэй илагша гэжэ тодороо!
Бүхы хабаадагшадые ёһотой тоглолтоор амаршалнабди!
Эрхим багшанартаа шэнэ илалтануудые хүсэнэбди!
